لولا تدخل الرئيس ما كان ده يبقى حال الرغيف عجيبة خالص احوال الناس دى.. من شهر والناس واقفه طوابير على رغيف العيش .. ويوم عن يوم الطوابير بتزيد .. وتصريحات يومية عمال على بطال .. ونشيل الدعم ولا نخليه.. والاقتتال بين الناس بيزيد من اجل الحصول على لقمة عيش حاف..ويبختك ياللى تلحق رغيف ولا اتنين..وزى بعضه يدوب الرغيف من دول يعمل لقمتين لكن نص العمى ولا العمى كله..ويتدخل الرئيس مبارك ويحل الازمة. وفجأة وبعد شهر من العذاب يتغير الحال وتختفى الطوابير ويرجع الرغيف منور ومدور.. معقول ان الريس لا يعلم ما يحدث للناس فى الشارع ؟؟؟ وكله تمام يا فندم وعقبال باقى الازمات!!!